ISHU YA KUTOKA NA BLATTER, COOPER AMTOSA IRINA

Mpenzi wa modo Classic,Irina Shayk, Bradley Cooper.Zurich, Uswiss

SIKU chache baada ya kuhusishwa kutoka kimapenzi wa aliyekuwa Rais wa Shirikisho la Soka la Kimataifa (Fifa), Sepp Blatter, mpenzi wa modo Classic, Irina Shayk, Bradley Cooper ameonekana kumpiga chini kwenye sherehe za utoaji tuzo.

Bradley Cooper akiwa na mpenzi wake Irina Shayk.

Irina alidumu kwenye uhusiano na mshambuliaji wa Real Madrid, Cristiano  Ronaldo kwa takribani miaka minne ambapo inadaiwa wawili hao waliachana kutokanana usaliti.
Hivi karibuni Gazeti la Hispania la El Mundo lilimuhusisha mrembo huyo kutoka na Blatter jambo ambalo Irina kupitia mtu wake wa karibu alikuja juu na kukana ishu hiyo.
Katika sherehe za utoaji tuzo za Tony zilizofanyika Jumapili iliyopita, Cooper hakuonekana kuwa na Irina kwenye zulia jekundu ‘Red Carpet’ zaidi ya kuongozana na mama pamoja na dada yake.
Mkali huyo wa Filamu ya Elephant Man hakuonyesha kujali lolote zaidi ya kufurahia pamoja na familia yake hiyo
Hata hivyo, muda mfupi kabla ya sherehe hizo kuanza Irina alituma picha kwenye mtandao wake wa Kijamii wa Instagram akiwa amelala na Cooper huku wakiwa wamezungukwa na chakula na matunda na kuandika: “Nakupenda kuliko chakula.”