WAJASIRIAMALI NCHINI KUNUFAIKA NA SEMINA MAHSUSI

Wajasiliamali hao wakiwa kwenye picha ya pamoja.

WAJASIRIAMALI nchini watanufaika na semina mahsusi zitakayofanyika katika mikoa mbalimbali ambapo pamoja na elimu ya ujasiriamali watapatiwa pia mbinu za biashara na namna rahisi ya kupata mikopo.
Semina hizo ambazo ni ukombozi kwa wajasiriamali wengi nchini,  zitakuwa na mafunzo toka kwa wajasiriamali waliofanikiwa nchini ambao ni  Riziki Buberwa na Eric Shigongo. Semina hizo zitaanzia katika ukumbi wa Eden Park ulioko Luguruni, Kibamba jijini Dar es Salaam  tangu Ijumaa, Juni 19, 2015 hadi Jumamosi Juni 20, 2015.
Mratibu wa semina hizo, Riziki Buberwa, alisema maandaizi yote yako tayari na kinachosubiriwa ni  siku husika tu.
“Maandalizi yamekamilika na tutajumuika na wajasiriamali wengine kwa ajili ya kuwapa matumaini ya maisha bora Watanzania walioamua kujiingiza katika ujasiriamali na wote watakaohudhuria ambapo tutatembea mikoa mbalimbali ikiwemo Arusha, Manyara, Kilimanjaro, Dodoma, Mwanza na Mbeya, ” alisema mratibu huyo.