HUENDA
wakazi wa mikoa ya Kaskazini wataondokana na matatizo yanayosababishwa
na athari za wingi la madini ya fluoride katika maji endapo watafiti
watafanikiwa kupunguza madini hayo katika maji.
Chuo
Kikuu cha Dar es Salaam kupitia Idara yake ya Uhandisi na Rasilimaji
imefanya utafiti juu ya matatizo yanayosababishwa na madini ya Fluoride.
Lengo la utafiti huo ni kujaribu kupunguza madini ya fluoride katika
maji kwa kutumia teknolojia mbalimbali, ikiwamo mifupa ya ng'ombe
iliyochomwa na kuchanganya na udongo.
Mhandisi
Godfrey Mbabay wa Idara ya Uhandisi Rasilimaji anasema wanachukua mifupa
ya ng'ombe na kuichoma kwa kutumia viwango tofauti vya joto kisha
kuisaga. Anasema wanatumia viwango tafauti vya joto ili kutafuta kiwango
sahihi cha joto linaloweza kuondoa majini ya fluoride katika maji.
Wataalamu
wakichapata kiwango cha joto kinachotakiwa wanatumia kifaa maalumu cha
kuchujia maji hayo na kupimia unga huo wa mfupa ya ng'ombe tayari kwa
matumizi. Utafiti huo unafanyika katika eneo la Arumeru, mkoani Arusha
ambapo asilimia kubwa ya watu wameathirika kutokana na maji wanayotumia
yenye fluoride nyingi.
Tatizo
kubwa la fluoride linaathiri mifupa ambapo baadhi ya watoto huzaliwa
vichwa vikubwa, matatizo ya ubongo, kuwa na meno yenye rangi na wengine
hupinda mikono na miguu hivyo kusababisha watoto wengi kuwa na matege.
Maeneo ya Kaskazini mwa Tanzania katika mikoa ya Arusha, Singida,
Shinyanga, Kilimanjaro, Simiyu na Mara, ndio yanayoathiriwa zaidi na
maji yenye wingi wa madini la fluoride na kusababisha wakazi wa mkoa huo
kuwa na meno yenye rangi.
Anasema
watafiti wa mwanzo walilazimika kutafiti mifupa wakagundua imeathirika
kutokana na matumizi ya maji hayo. Baada ya wataalamu kubaini kuwa
mifupa ya ng'ombe iliyochomwa inaweza kuondoa fluoride kwenye maji
waliamua kuendelea kufanyia utafiti vitu vinavyoweza kuondoa wingi wa
madini ya fluoride kwenye maji kwa kutumia vitu vinavyopatikana katika
mazingira halisi.
Vitu
vingine vinavyotumiwa katika utafiti huo ni udongo, mawe ya chokaa,
udongo wa 'gypsum' na udongo wa mfinyanzi. Arumeru kuna kituo cha
utafiti wa madini hayo cha Ngurdoto. Katika kituo hicho wanatengeneza
hilo chujio na chokaa, halafu wananchi wananunua kwa bei ndogo kwa ajili
ya matumizi.
Kwa
upande wake Mhandisi Anaeli Ulomi anasema utafiti wa kwanza ulifanywa
mwaka 1950 wakati wa serikali ya Uingereza. Waligundua tatizo la madini
hayo. Waingereza hao waligundua tatizo hilo lipo katika eneo hilo la
ukanda wa Kaskazini mwa Tanzania. "Utafiti wa kina ulionesha kuwa hayo
madini yalisambaa sehemu kubwa kuanzia bonde la ufa mpaka kwenye nchi
yetu.
Ilionekana
kuwa kuna kiasi kikubwa cha athari ya watu walioathirika na fluoride,"
anasema. Kuanzia wakati huo watafiti mbalimbali walianza kuangalia
athari zinazotokana na matumizi ya maji yenye madini ya fluoride. Ulomi
anasema wataalamu wa Kitanzania pia walifanya utafiti na kubaini kuwa
madini hayo yana athari kwa binadamu kwa kusababisha meno kuwa na rangi
ya kahawia, mifupa kupinda na kichwa kuwa kikubwa.
Anasema
kutokana na tatizo hilo kuwa kubwa walijitokeza watafiti mbalimbali kwa
ajili ya kukabiliana na hilo, kikwazo kikubwa ni uhaba wa fedha.
Anasisitiza madini hayo yanahitajika mwilini kwa ajili ya kuimarisha
mifupa, misuli na mfumo wa damu kwenye mwili wa binadamu, yakiwa kwenye
kiwango kizuri ambacho hakizidi miligramu 1.5 kwa lita moja ya maji.
Ripoti za
tafiti mbalimbali zilizofanyika katika maeneo zinaonesha kuwa maji hayo
yana miligramu nne hadi 20 kiasi ambacho ni kikubwa mno kwa matumizi ya
binadamu. Anasema baada ya kufanya utafiti hizo kwa ushirikiano na
Wizara ya Maji na kuona ukubwa wa tatizo lililopo. Serikali iliamua
kuzuia matumizi ya visima vyenye maji yenye madini hayo.
Miaka ya
nyuma aliyekuwa Mbunge wa Kishapu, Paul Makolo aliuliza serikali
inachukua hatua gani kuhusu tatizo la fluoride kwenye maji ya visima,
hali iliyosababisha usumbufu mkubwa wa upatikanaji wa maji ya kunywa kwa
wakaaji wa mji huo, katika mji mdogo wa Maganzo, uliopo Kata ya Songwa.
Baada ya
swali hilo, serikali ilijibu kuwa ni kweli miaka ya nyuma teknolojia ya
kupunguza madini hayo ilikuwa ni tatizo, lakini kuna teknolojia
ilipatikana ya kupunguza madini hayo ya ziada kwenye maji ambayo
yalijaribiwa huko Arusha na wilaya ya Hanang na kuonekana inafaa.
Kwa
maelezo ya serikali majaribio hayo yangefanywa mkoani Shinyanga kwa
kipindi hicho kwa kutumia wataalamu hao na kipaumbele kitatolewa katika
eneo hilo lenye tatizo ili wananchi wapate mbinu ya kupata maji safi na
salama. Serikali ilisema majaribio yaliyofanyika Chuo Kikuu cha Dar es
Salaam kwa kushirikiana na wataalamu wa wizara ya maji, yalionesha uwezo
wa mafanikio ya kiteknolojia hiyo ya kupunguza madini hayo ya fluoride
hadi viwango vinavyokubalika.
Ilionekana
kuwa maji yenye fluoride kiwango cha miligramu 2.8 hadi 15.6 katika
lita moja yalipotumiwa kwa muda wa miezi 12 ya majaribio, mtambo
ulioweza kuchuja maji na kupunguza fluoride hadi miligramu 0.3 hadi 1.5
katika lita moja. Viwango vinavyokubalika na Shirika la Afya Duniani.
Maendeleo
ya jamii yoyote kinategemea kuwepo kwa maji ya kutosha na yenye ubora
unaotakiwa. Katika hali yake ya asili, maji ni sehemu ya mazingira
ambapo wingi na ubora wake ndio unaosaidia katika kuamua jinsi maji
yatakavyotumika. Upatikanaji wa maji safi na salama kwa ajili ya
matumizi ya nyumbani na usafi wa mazingira ni muhimu katika kulinda afya
za wananchi.
Sehemu za
Kaskazini na Kusini mwa nchi zenye miamba aina ya volkano ni nzuri kwa
upatikanaji wa maji chini ya ardhi. Hata hivyo kwenye baadhi ya maeneo,
maji chini ya ardhi yana chumvi nyingi na madini ya aina ya fluoride
ambayo yanaathari kwa matumizi ya binadamu.
Serikali
inaendelea kushughulikia changamoto zinazotokana na uhaba wa maji salama
katika maeneo ya Kaskazini ili kuondoa athari zinazotokana na madini ya
fluoride. Maji yanayofaa yanaendelea kupungua siku hadi siku kutokana
na kuongezeka kwa mahitaji.
Hata
hivyo katika kipindi cha miaka 15 iliyopita, mahitaji ya maji
yameongezeka kwa kiwango kikubwa kutokana na ongezeko la watu nchini,
ongezeko la uzalishaji mali katika sekta mbalimbali hususan kilimo cha
umwagiliaji, uzalishaji umeme, uzalishaji viwandani, utalii, uchimbaji
madini, ufugaji, uvuvi, matumizi kwa ajili ya usafi wa mazingira na
mahitaji ya maji kwa ajili ya wanyamapori.
Upungufu
wa maji unasababishwa na uharibifu wa mazingira, hali inayosababisha
vyanzo vingi vya maji kukauka au kupungua. Pia, upungufu wa maji
hutokana na ukosefu au upungufu wa mvua katika baadhi ya maeneo hapa
nchini na matumizi mabaya ya maji hayo.
Upungufu
huo wa maji unaathiri uzalishaji wa chakula na umeme na kusababisha
uharibifu wa mazingira, hali inayoleta migogoro na ushindani wa kutumia
maji miongoni mwa sekta mbalimbali za kijamii na zile za kiuchumi hivyo
jamii inapaswa kutunza vyanzo vya maji ili kukabiliana na uhaba wa maji
nchini.
UTEKELEZAJI wa upelekaji wa umeme katika vijiji kadhaa wilayani Magu umekamilika kwa asilimia 53, Bunge lilielezwa jana.
Naibu Waziri wa Nishati na Madini, Charles Mwijage alisema wateja wapatao 1,887 wanatarajiwa kuunganishwa umeme katika mradi huo utakaogharimu Sh bilioni 3.35.
Mwijage alikuwa akijibu swali la Mbunge wa Magu, Dk Festus Limbu (CCM), aliyetaka kufahamu mradi wa kupeleka umeme kwenye vijiji vya Yichobela/ Kinango toka Irungu na Kabila toka Magu Mjini umefikia hatua gani.
Naibu Waziri alisema mradi wa kupeleka umeme katika vijiji vya Yichobela na Kinango kutokea Irungu unahusisha ujenzi wa njia ya umeme ya msongo wa kilovoti 33 umbali wa kilometa nane.
"Ujenzi wa njia ya umeme ya kilovoti 0.4 umbali wa kilometa saba na ufungaji wa transfoma tano. Mradi huu unatekelezwa na Mkandarasi Chico-CCC (BJ) JV Limited kwa ufadhili wa Serikali kupitia Wakala wa Nishati Vijijini (REA) Awamu ya Pili," alieleza Naibu Waziri.
Alisema mpaka sasa ujenzi wa njia ya umeme ya msongo wa kilovoti 33 umekamilika kwa asilimia 100; kazi ya upimaji na michoro ya njia ya msongo wa kilovoti 0.4 imekamilika kwa asilimia 100 na mkandarasi ameshaleta nguzo zote na transfoma tano kumalizia kazi zilizosalia.
"Mradi wa umeme kutokea Magu Mjini kuelekea Kabila kupitia Itumbili, Kitongo, Sukuma Sekondari, Lumeji, Busalanga, Nhaya Sekondari, Nhaya Senta na Mwashepi unahusisha ujenzi wa njia ya umeme ya msongo wa kilovoti 33 umbali wa kilometa 28; ujenzi wa njia ya umeme ya msongo wa kilovoti 0.4 umbali wa kilometa 10 na ufungaji wa transfoma 18," alieleza Mwijage.(HABARI LEO)
DK
Naibu Waziri wa Nishati na Madini, Charles Mwijage alisema wateja wapatao 1,887 wanatarajiwa kuunganishwa umeme katika mradi huo utakaogharimu Sh bilioni 3.35.
Mwijage alikuwa akijibu swali la Mbunge wa Magu, Dk Festus Limbu (CCM), aliyetaka kufahamu mradi wa kupeleka umeme kwenye vijiji vya Yichobela/ Kinango toka Irungu na Kabila toka Magu Mjini umefikia hatua gani.
Naibu Waziri alisema mradi wa kupeleka umeme katika vijiji vya Yichobela na Kinango kutokea Irungu unahusisha ujenzi wa njia ya umeme ya msongo wa kilovoti 33 umbali wa kilometa nane.
"Ujenzi wa njia ya umeme ya kilovoti 0.4 umbali wa kilometa saba na ufungaji wa transfoma tano. Mradi huu unatekelezwa na Mkandarasi Chico-CCC (BJ) JV Limited kwa ufadhili wa Serikali kupitia Wakala wa Nishati Vijijini (REA) Awamu ya Pili," alieleza Naibu Waziri.
Alisema mpaka sasa ujenzi wa njia ya umeme ya msongo wa kilovoti 33 umekamilika kwa asilimia 100; kazi ya upimaji na michoro ya njia ya msongo wa kilovoti 0.4 imekamilika kwa asilimia 100 na mkandarasi ameshaleta nguzo zote na transfoma tano kumalizia kazi zilizosalia.
"Mradi wa umeme kutokea Magu Mjini kuelekea Kabila kupitia Itumbili, Kitongo, Sukuma Sekondari, Lumeji, Busalanga, Nhaya Sekondari, Nhaya Senta na Mwashepi unahusisha ujenzi wa njia ya umeme ya msongo wa kilovoti 33 umbali wa kilometa 28; ujenzi wa njia ya umeme ya msongo wa kilovoti 0.4 umbali wa kilometa 10 na ufungaji wa transfoma 18," alieleza Mwijage.(HABARI LEO)
DK
SERIKALI
imesema baada ya kukamilisha ujenzi wa barabara zinazounganisha mikoa
mbalimbali nchini, itashughulikia barabara za mkoa mmoja mmoja.
Naibu
Waziri wa Ujenzi, Gerson Lwenge alisema hayo jana wakati akijibu swali
la nyongeza la Mbunge wa Liwale, Faith Mitambo (CCM).
Lwenge
alisema kwa sasa serikali imejikita katika kuhakikisha mikoa yote
inaunganishwa kwa barabara za lami, na itakapokamilisha hilo,
itazigeukia barabara za mkoa mmoja mmoja ili kuziweka katika hali bora.
Awali,
akijibu swali la msingi la Mitambo, alisema barabara ya Liwale-Nanguruku
ni barabara ya mkoa yenye urefu wa kilometa 230. Naibu Waziri alisema
katika mwaka wa fedha 2012/13, barabara hiyo ilitengewa jumla ya Sh
milioni 1,066.92 na katika mwaka wa 2013/14, jumla ya Sh milioni
1,782.69 zilitengwa kwa ajili ya matengenezo mbalimbali. "Aidha,
kufuatia mvua kubwa zilizonyesha katika kipindi cha mwaka wa fedha
2013/14 uharibifu mkubwa wa miundombinu ya barabara ulitokea na
kusababisha uharibifu mkubwa. "Kutokana na hali hii, barabara hii
iliidhinishiwa jumla ya Sh milioni 1,091.53 kutoka Mfuko wa Barabara kwa
ajili ya matengenezo ya dharura na kurudisha mawasiliano yaliyokuwa
yamekatika katika barabara hii," alisema Naibu Waziri.(HABARI LEO)
DK
WANASIASA wameambiwa kuwa ubunge hautatokana na kiungo cha albino na kuachana na fikra hizo potofu.
Naibu
Waziri wa Mambo ya Ndani ya Nchi, Perreira Ame Silima amekiri bungeni
kuwa ni kweli zipo taarifa kuwa baadhi ya wanasiasa wanahusishwa na
imani potofu za kutumia viungo vya binadamu ili kupata madaraka.
"Ni kweli
habari ziko zinazungumzwa kuwa wanasiasa fulani na zinaibuka wakati
kama huu ambako kuna joto kali la Uchaguzi Mkuu," alisema Silima na
kuongeza: "Ubunge hautatokana na kiungo cha albino."
Alikuwa
akijibu swali la nyongeza la Mbunge wa Rombo, Joseph Selasini (CCM),
aliyesema vyombo vya habari vya ndani na nje ya nchi vinaeleza kuwa wapo
wanasiasa wanaotumia viungo vya albino kusaka umaarufu.
"Vyombo
hivi vya habari vya ndani na nje ya nchi vinaeleza kuwa wapo wanasiasa
waokwenda kwa waganga na kutumia viungo vya albino kujitafutia umaarufu.
Kwa nini serikali isiwabane waandishi hawa ili iwataje wanasiasa hao
ili wasiohusika wasitiwe doa," alihoji mbunge huyo wa Rombo.
Naibu
Waziri wa Mambo ya Ndani alisema serikali imekuwa ikifanya jitihada
kubwa katika kukabiliana na tatizo la mauaji ya watu wenye ulemavu, na
kuwa lazima jamii kuanzia ngazi ya familia ibadili fikra zao.
Alisema
haiwezekani albino wauawe katika baadhi ya mikoa au eneo fulani tu la
nchi, hivyo elimu inahitajika kwa watu husika na kuwa serikali
itaendelea kuchukua hatua zikiwamo za kuielimisha jamii.
Aidha,
alisema kifaa maalumu kitakachofungwa kwa albino ili kufuatilia mienendo
yao, kinaendelea kufanyiwa kazi na serikali ili kufahamu kama
teknolojia kinafanya kazi na pia kufahamu kama ni salama.
Kwa
upande wake, Waziri wa Nchi, Ofisi ya Waziri Mkuu (Sera, Uratibu na
Bunge), Jenista Mhagama, alisema serikali haijalidanganya Bunge kuhusu
kifaa hicho, na kuwataka wabunge kuungana pamoja na serikali katika
kukomesha mauaji hayo yanayolitia aibu Taifa.
Akijibu
swali la msingi la Mbunge wa Viti Maalumu, Philipa Mturano (Chadema),
Silima alisema mpaka sasa watu 15 wa mauaji ya albino, wamekamatwa,
kufikishwa mahakamani na kuhukumiwa kunyongwa hadi kufa.(HABARI LEO)
(KILONGE)
Mhe. Rais
Kikwete akizungumza huku Waziri wa Mambo ya Nje na Ushirikiano wa
Kimataifa, Mhe. Bernard K. Membe (Mb.), Katibu Mkuu Kiongozi, Balozi
Ombeni Sefue (katikati) pamoja na Katibu Mkuu wa Mambo ya Nje na
Ushirikiano wa Kimataifa, Balozi Liberata Mulamula wakimsikiliza.
Rais wa
Jamhuri ya Muungano wa Tanzania, Mhe. Jakaya Mrisho Kikwete akizungumza
wakati akifungua rasmi Mkutano wa Nne wa Mabalozi wa Tanzania nje ya
nchi. Mkutano huo umefanyika katika Hoteli ya Ramada Jijini Dar es
Salaam ukiwa umebeba Kaulimbiu isemayo "Diplomasia ya Tanzania Kuelekea
Dira ya Taifa 2025".
Sehemu ya Mabalozi wakifuatilia hotuba ya ufunguzi ya Mhe. Rais Kikwete (hayupo pichani)
Wajumbe
wengine wakiwemo Wakuu wa Vitengo katika Wizara ya Mambo ya Nje na
Ushirikiano wa Kimataifa wakifutilia hotuba ya Mhe. Rais Kikwete.(VICTOR)
TAASISI
ya Kifedha ya Bayaport Financial Services inayojihusisha na mambo ya
mikopo,imesema hata Watanzania wanaoishi mikoani wanaweza kutumia fursa
ya kukopeshwa viwanja katika mradi wa Vikuruti, uliopo Kibaha, mkoani
Pwani. Unaweza kuptata fomu hapa.
Afisa
Mipango wa Wilaya ya Kibaha, Obed Katonge, akizungumza katika uzinduzi
wa huduma ya mikopo ya viwanja, uliyofanyika mwishoni mwa wiki, katika
hoteli ya Serena.
Bonyeza
hapa kupata fomu ya mkopo wa viwanja kutoka Bayport Financial
Serviceshttp://www.kopabayport.co.tz/RESERVATION%20FORM.pdf
Kauli
hiyo imetolewa na Meneja Masoko na Mawasiliano wa taasisi hiyo, Ngula
Cheyo, ikiwa ni siku chache baada ya kuzindua huduma ya mikopo ya
viwanja katika Hoteli ya Serena, jijini Dar es Salaam, huku akisisitiza
kwamba si lazima mkopaji wa viwanja hivyyo atoke Dar es Salaam au
Kibaha.
Kicheko
cha furaha. Mkurugenzi Mtendaji wa Bayport Financial Services, John
Mbaga, kulia akifurahia jambo na Meneja Masoko na Mawasiliaano wa
Bayport Financial Services, jijini Dar es Salaam.
Habari;
Watanzania wengi wanaoishi mikoani wamekuwa wakiulizia kama nao wana
weza kukopeshwa viwanja hivyo,hivyo Bayport imeona itowe ufafanuzi huu.
Kwamba ni ruhusa. Kilaa mtu anaweza kukopa.
Cheyo
alisema kwamba huduma hiyo ni ya Watanzania wote, ndio maana wamesambaza
fomu za kuomba mkopo wa viwanja katika matawi yao mbalimbali, bila
kusahau wale wanaoweza kukopa kwa njia ya mtandao
wawww.kopabayport.co.tz.(VICTOR)
Katibu
Mkuu wa Wizara ya fedha na Mlipaji Mkuu wa Serikali Dkt. Servcius
Likwelile akiwaeleza Mawaziri wa Fedha kuhusu serikali ya Tanzania
mipango yake hasa kwenye miundombinu. Kutoka kulia ni Waziri wa Fedha wa
Rwanda Bw. Claver Gatete na kushoto kwake ni Mchumi Mkuu Rugwabiza
Minega Leonard. ilivyonufaika na fedha za Benki ya Maendeleo katika
kutekeleza.
Waziri wa
Fedha wa Rwanda Mhe. Claver Gatete akitoa ufafanua wa masuala
mbalimbali yanayohusu nchi za Afrika. Kushoto kwake ni Katibu Mkuu wa
Wizara ya Fedha na Mlipaji Mkuu wa Serikali Dkt. Servacius Likwelile
ambaye amemwakilisha Waziri wa fedha na kulia kwake ni Waziri wa Fedha
wa Ethiophia Mhe. Fisseha Aberra.
Katibu
Mkuu wa Wizara ya fedha na Mlipaji Mkuu wa Serikali Dkt. Servacius
Likwelile akitoa ufafanuzi kuhusu Tanzania inavyoshirikiana na Benki ya
Afrika kwa Mawaziri wa Fedha kutoka nchini Rwanda, Ethiophia, Kenya na
Visiwa vya Shelisheli wakati wa uwasilishaji wa ripoti ya utekelezaji wa
mazimio ambayo kila nchi imejiwekea.
Kamishna
wa Fedha za Nje Bwana Ngosha Manyoga akiwa katika majadiliano yanayohusu
ya ripoti ya utekelezaji wa mpango wa mafanikio katika nchi za Africa.(VICTOR)
Mshambuliaji
wa Nigeria na timu ya Wanawake ya Liverpool, Asisat Oshoala ametangazwa
kuwa mshindi wa tuzo ya BBC ya mwanasoka bora wa mwaka.
Oshoala,
mwenye umri wa miaka 20 ni mchezaji wa kwanza kushinda tuzo mpya kutoka
BBC World Service,kwa kura zilizopigwa na wapenzi wa kandanda duniani.
Mwanadada huyu amemuangusha Veronica Boquete wa Uhispania na Nadine Kessler wa Ujerumani,Scot Kim Little na Marta wa Brazil.
"ninapenda kutoa shukrani zangu kwa BBC,mashabiki wangu duniani na kila mmoja aliyepiga kura" alisema.
Tuzo hii ni ya kwanza kufanyika na Shirika la utangazaji la kimataifa.
Oshoala,
ambaye ni mchezaji mwenye umri mdogo kuliko wote kati ya wapinzani wake,
alikuwa mfungaji bora na alipigiwa kura wakati wa michuano ya kombe la
dunia la wachezaji wa umri wa chini ya miaka 20 nchini Canada kipindi
cha majira ya joto kilichopita.
Jitihada
zake ziliifikisha Nigeria katika hatua ya Fainali ambapo ilikutana na
Ujerumani, ambapo Ujerumani ilipata ushindi mwembamba dhidi ya Nigeria.
Pia
alitoa mchango mkubwa katika timu ya wanawake ya Nigeria katika kutwaa
ushindi wa kombe la mabingwa Afrika kwa wanawake mwezi Oktoba.
Hatua
hiyo imeiwezesha Nigeria kufuzu kushiriki michuano ya kombe la dunia kwa
wanawake nchini Canada inayoanza tarehe 6 mwezi Juni
CHANZO:BBC
IMECHOTWA KWENYE MTANDAO NA VICTOR SIMON
Waziri wa
maliasili na Utalii, lazaro Nyalandu akimsikiliza waziri wa Ardhi na
Maendeleo vijijini, Celso Coreia jana mjini Maputo kabla ya kusaini
mkataba wa makubaliano ya kuhifadhi Pori la akiba la selous nchini
Tanzania lililoungana na Hifadhi ya Nnyasa nchini Msumbiji ambapo mbali
na uhifadhi watashirikiana kupambana na ujangili , utaalamu na vifaa.
Waziri wa
maliasili na Utalii, Lazaro Nyalandu akibadilishana hati za makubaliano
ya kuhifadhi Pori la akiba la selous nchini Tanzania lililoungana na
Hifadhi ya Nnyasa nchini Msumbiji na waziri wa Ardhi na Maendeleo
vijijini Celso Coreia, ambapo mbali na uhifadhi watashirikiana kupambana
na ujangili , utaalamu na vifaa, jana mjini Maputo Msumbiji.
Waziri wa
Maliasii na Utalii, Lazaro Nyalandu na waziri wa Ardhi na Maendeleo
vijijini wa Msumbiji Celso Coreia wakifuatilia mada zilizokuwa
zikitolewa kabla ya kusaini mkataba wa makubaliano ya kuhifadhi Pori la
akiba la selous nchini Tanzania lililoungana na Hifadhi ya Nnyasa nchini
Msumbiji ambapo mbali na uhifadhi watashirikiana kupambana na ujangili,
utaalamu na vifaa.(VICTOR)
Waziri
Mkuu, Mizengo Pinda akizungumza na mtoto Albert Kanan wa darasa la tatu
katika shule ya msingi ya Ilalangulu wilayani Mlele ambaye alikwenda
nyumbani kwa Waziri Mkuu katika kijiji cha Kibaoni akiomba kupiga naye
picha. (Picha na Ofisi ya Waziri Mkuu.(VICTOR)
Ni
dhahiri sasa kuwa hatua ya vikao vya juu vya CCM kuwafungulia makada
wake waliokuwa wamefungiwa kwa kuanza kampeni mapema na kutangaza tarehe
za kuanza kuchukua fomu, vimechochea harakati za kusaka urais na
kuongeza urefu wa foleni ya wanaotaka kuelekea Ikulu kumrithi Rais
Jakaya Kikwete.
Hayo
yamejitokeza ndani ya siku nne baada ya uamuzi huo wa CCM kutangazwa
mjini Dodoma na kuwafanya makada wake, kuanza kujitokeza hadharani
wakiweka bayana tarehe za kutangaza nia hiyo.
WanaCCM
waliojitokeza ni mtoto wa Baba wa Taifa, Mwalimu Julius Nyerere,
Makongoro Nyerere, Waziri wa Nchi, Ofisi ya Rais (Kazi Maalumu), Profesa
Mark Mwandosya na Mbunge wa Kuteuliwa, Profesa Sospeter Muhongo ambao
kwa nyakati tofauti wamethibitisha kuwa wanatangaza nia hiyo wiki ijayo.(P.T)
No comments:
Post a Comment