FID Q ATOA SABABU ZA KUTO KUJIHUSISHA NA SIASA…

Fareed Kubanda aka Fid Q ana sababu za kwanini hana mpango wa kuwa mwanasiasa.

Akizungumza na New Day Taarifa jana, Fid Q alisema hapendi kuona wanasiasa jinsi wanavyobadilikika baada ya kupata pesa.
“Nimekutana na watu tofauti tofauti wanasema nafaa kutokana na uwezo wangu wa kuchanganua mambo,” alisema. “Na siku moja nilijifunza kwamba mapinduzi ni kitu ambacho kinaendelea, kila siku tunaimba malaria halafu inakuja Dengue, mara tunaimba kuhusiana na mafuriko na mambo mengine. Kwahiyo hivyo hivyo na huko serikalini vitu vipo hivyo, unaingia mule ndani unakuta kuna mapengo kibao, kuna makorongo kibao, sasa unaamua mwenyewe kama utaenda kuwa real au la!
Kule ukitaka kuwa mjuaji sana kuna matatizo yake pia na nachoogopa mimi kuwa mwanasiasa ni kupata zile hela nyingi halafu nianze kuwa muongo. Sio kama siasa inanishinda, napenda siasa lakini naogopa uongo. Kama wanavyosemaga napenda umaarufu nachukia mbwembwe zake. Napenda siasa nachukia uongo wake,” alifafanua rapper huyo.
“Kwa sababu kuna mdau mmoja alisema kwamba wanasiasa wote ni kama unavyoona story ya binadamu wa kwanza. Kwamba binadamu wa kwanza alianza kama sokwe halafu akawa binadamu. Siasa inaprove kinyume. Anakuja kama binadamu halafu baadae anakuwa Sokwe.”