DIAMOND NA VANESSA KUWANIA TUZO ZA MTV MAMA..

Diamond Platnumz na Vanessa Mdee a.k.a Vee Money ndio wasanii wa Tanzania waliotajwa kuwania tuzo kubwa Afrika za MTV Africa Music Awards KwaZulu-Natal 2015 (MAMA).

Diamond anawania vipengele vitatu ambavyo ni Best Male Act, Best Collaboration kupitia wimbo wake ‘Bum Bum’ aliomshirikisha Iyanya, na Best Live. Katika vipengele hivyo anachuana na Davido, Wizkid, Mr Flavour (Nigeria), AKA (Afrika Kusini) pamoja na Sarkodie (Ghana).

Vanessa anawania kipengele kimoja cha Best Female ambacho atatoana jasho na Yemi Alade (Nigeria). Kenya imewakilishwa na kundi la Sauti Sol wanaowania vipengele viwili vya Best Group na Song of The Year kupitia wimbo wao ‘Sura Yako’.
Tuzo za hizo zitatolewa Jumamosi ya July 18, 2015 huko Durban, Afrika Kusini na tukio hilo kuoneshwa moja kwa moja kupitia MTV Base (DStv channel 322), MTV (DStv channel 130) na BET (DStv channel 129) kuanzia saa 22:00 EAT.