Jimboni Kojani Kwafukuta

                                                       Kufuatia uteuzi wa wagombea nafasi za Ubunge na Uwakilishi kupitia Chama cha Wananchi CUF ambao wamepitishwa na Baraza Kuu kumezua sokomoko kubwa miongoni mwa wanachama na viongozi.
Jimboni Kojani hali sio shwari. Vipi linaanza kutimka baada ya mgombea aliyeshinda kura za maoni kuekewa pembeni na kupitishwa mgombea ambaye aliyepata ushindi wa pili. Jimbo la Kojani limejumuisha maeneo ya Kisiwani Kojani na maeneo mengine ya juu. Kikawaida eneo la Kisiwani hutoa Mwakilishi na eneo la juu hutoa Mbunge. Hayo ni makubaliano baina yao. Nafasi ya uwakilishi inashikiliwa na Wakojani kindakindaki.
Yaliyoko ni Wakojani kugawika na kujipanga kupinga uteuzi wa Uwakilishi wakidai Mteuliwa ambaye ni Mwakilishi kwa sasa hawafai kwani hakufanya kitu katika miaka 5 iliyopita. Pia kashindwa kwenye kura za maoni. Vilevile hakutowa ahadi zinazoeleweka nini atawafanyia miaka 5 ijayo. Alikuwa akitumia fedha zote za mfuko wa jimbo kwa maslah yake binafsi. Yapo matawi 28 ndani ya jimbo la Kojani hakuna hata tawi moja alilojenga. Ameshindwa kumaliza jengo la ofisi ya Jimbo la Kojani, lililopelekea kusababisha kifo cha mtoto wa miaka 8 baada ya matufali yake kumuangukia mtoto huyo. Kutumia fedha kutafuta kurudi tena kwenye kiti. ripoti zote za Jimbo na Wilaya zilionyesha kutoridhishwa na utendaji wake. Mwisho ni kuwa hakubaliki kwa Wakojani wenzake.
Kwa upande wa Mgombea aliyeshinda kura za maoni na hakupata kuteuliwa yeye yuko juu kwa kukitumikia chama, pia ameonyesha CV zake za majukumu aliyokuwa nayo. Ametowa ahadi za uhakikiwa ikiwa ni pamoja na kumaliza jengo la ofisi ya Jimbo la Kojani. Kutumia fedha za mfuko wa jimbo kwa kuwakabidhi wenyewe wananchi ili zitumike ipasavyo. Ameahidi kuchangia chama ndani ya jimbo lake kwa kuwapatia mgao maalumu utakao saidia kuendesha shughuli za chama jimboni hapo. Pia kumaliza matawi ya chama yale yaliokwisha aanza kujengwa.
Kumetayarishwa Wakojani waliopo Unguja, Jimbo la Mtoni kwenda kumuona Naibu Katibu Mkuu Mh Nassor Ahmed Mazrui na kumuelezea kadhia yao juu ya uteuzi chama waliofanya. Timu nyengine ya Wakojani inafanya inawasubiri Katibu Mkuu, Naibu Katibu Mkuu na Mkurugenzi wa Uchaguzi.
Kuna baadh ya juhudi zimeanza kuchukuliwa ikiwa ni pamoja na ofisi ya Wilaya ya Wete kutakiwa kusuluhisha mzozo huu. Kiukweli moto unafukuta na mwisho wake haujulikani wapii utaripuka.