UN: Walinda amani duniani wanakabiliwa na matatizo

Katibu Mkuu wa Umoja wa Mataifa, Ban Ki-moo, amesema kuwa walinda amani wa umoja huo bado wanakabiliwa na hatari na changamoto nyingi kwenye kazi zao. Katibu Mkuu wa Umoja wa Mataifa amesema tangu kuanza mwaka huu wa 2015, tayari walinda amani 49 wa umoja huo wameuawa katika maeneo yenye migogoro duniani. Ban Ki-moon pia amesema kuongezeka makundi yenye misimamo mikali kumeongeza hatari kwa wanajeshi wa kulinda amani kote duniani.  Mwanadiplomasia huyo amesisitiza umuhimu wa kuwanoa zaidi wanajeshi wa kulinda amani na kuwapa mafunzo na suhula za kisasa ili waweze kukabiliana na changamoto ibuka. Mkuu huyo wa UN amesisitiza kuwa, ni vigumu kukabiliana na changamoto za karne ya 21 kwa kutumia mbinu za karne ya 20.