Makomando wasema wanauhakika na tuzo yao apo kesho tarehe 13/06/2015

Ikiwa imebaki siku moja tu kufanyika Kilimanjaro Tanzania Music Awards, siku ya Jumamosi 13 Juni 2015 pale Mlimani City jijini Dar es salaam, ikifuatiwa na “After Party” ambayo itafanyika eneo lile lile la Mlimani City.

#NYAYOZAKTMA2015 bado inakukutanisha na wadau mbalimbali wa tuzo hizi wakiwemo washiriki wenyewe, waandaaji na mashabiki wakitoa maoni yao tofauti tofauti kuhusiana na tuzo hizi za KTMA 2015.

Makomando ni kundi ambalo limeingi katika kugombea tuzo ya “Kikundi Bora Cha Mwaka Bongo Flava” ambapo wanashindana na Weusi, Yamoto Band, Navikenzo na B.O.B.

Makomando wanasema wana uhakika tuzo ni yao, na mwaka huu iko poa sana, iko tofauti ina ushindani mkubwa pia, wao wamewaachia mashabiki wao ndo wamejipanga kuwapigia kura, tuzo ni yao wana uhakika labda litokee lakutokea.

Kitu ambacho kinawafanya wadumu kwa muda mrefu kwa miaka minne, ni kwa sababu wanashirikiana, wanapendana kama kuna tatizo wanaelewana kabla halijatoka hadharani.