Wapinzani wa serikali ya Senegal waachiwa huru

Viongozi wanne wa upinzani nchini Senegal, ambao awali walitiwa mbaroni na kufungwa jela kwa ufisadi na ubadhirifu wa mali za umma, waliachiliwa huru hapo jana Ijumaa. Aïda Ndiongue mpinzani maarufu wa serikali ambaye amekuwa jela kwa kipindi cha miezi 18 kwa tuhuma za kuichafulia jina serikali na ufisadi, aliachiliwa huru jana kwa amri ya mahakama ya nchi hiyo. Wapambe wake watatu, ni miongoni mwa watu walioachiliwa huru kutoka jela. Wizara ya Sheria nchini Senegal jana ilitangaza kuwa, imelifanyia uchunguzi ombi la kuangaliwa upya faili hilo, ombi ambalo lilitolewa na watuhumiwa. Aïda Ndiongue ni mfanyabiashara mashuhuri wa nchi hiyo na kiongozi mwandamizi wa chama cha Democrasia, ambacho ni chama kikuu cha upinzani. Mwanasiasa huyo, anatuhumiwa kwa kufuja fedha za serikali zilizokuwa zimetolewa kwa ajili ya ujenzi wa idara za serikali na kupambana na mafuriko na makazi duni, katika kipindi cha Rais Abdoulaye Wade. Mtuhumiwa mwingine wa ufusadi ni Karim Wade mwanaye Abdullahi Wade, rais wa zamani wa Senegal ambaye baada ya baba yake kushindwa katika uchaguzi, alitiwa mbaroni na kufungwa jela kitendo ambacho kiliibua uhasama mkubwa baina ya Wade na rais wa sasa Macky Sall.Bottom of Form
Top of Form
Bottom of Form