Burundi: Upinzani waomba mpatanishi mpya katika Umoja wa Mataifa

Saïd Djinnit, msuluhishi wa Umoja wa Mataifa katika Ukanda wa Maziwa Makuu.

Na RFI

Vyama 17 vya upinzani nchini Burundi vimesema havina tena imani na mjube maalumu wa Katibu mkuu wa Umoja wa Mataifa katika Ukanda wa Maziwa Makuu, Said Djinnit, na kuomba mpatanishi mpya katika Umoja wa Mataifa.

Vyama vya upinzani nchini Burundi vimemtuhumu mjumbe maalum wa Umoja wa Mataifa katika ukanda wa maziwa makuu Said Djinnit ambae ni mpatanishi wa mgogoro wakisiasa uliopo kwa kuegemea upande mmoja na kuomba kuteuliwa kwa mpatanishi mwingine katika mazungumzo na serikali ya rais Pierre Nkurunziza.

Vyama hivyo vinamkosoa Djinnit kuwasilisha ripoti yake kwa marais wa nchi za jumuiya ya Afrika mashariki mjini Dar es Salaam juma lililopita bila ya kuwashirikisha kwa kile kilichoandikwa katika ripoti hiyo.(P.T)