Larijani: Matamshi ya Marekani ni ya kipropaganda

Spika wa Majlisi ya Ushauri ya Kiislamu ya Iran amesema matamshi ya hivi karibuni yaliyotolewa na viongozi wa Marekani kuhusu mazungumzo ya nyuklia ya Iran ni ya kipropaganda. Ali Larijani ameyaeleza hayo katika mahojiano na gazeti la Kiarabu la Al Wifaq na kuongeza kuwa misimamo iliyoonyeshwa hivi karibuni na viongozi wa Marekani kuhusiana na mazungumzo ya nyuklia kati ya Iran na nchi zinazounda kundi la 5+1 ni ya kipropaganda na yenye lengo la kutatua matatizo ya ndani ya nchi hiyo na kuzuia hujuma za lobi zenye misimamo mikali za Wazayuni. Dakta Larijani amesema propaganda za Marekani zitakuwa na taathira hasi katika mazungumzo ya nyuklia, lakini kwa kuwa na uelewa kamili wa propaganda hizo, Jamhuri ya Kiislamu ya Iran imeifanya mantiki kuwa ndio msingi wa harakati yake katika mazungumzo hayo. Kuhusiana na matukio ya Yemen na kuzuiliwa kufikishwa nchini humo misaada ya Jamhuri ya Kiislamu ya Iran, Spika wa Bunge amesema mzingiro dhidi ya wananchi wa Yemen hautokuwa na tija nyengine ghairi ya kuharibu jina la Saudi Arabia katika historia. Ameongeza kuwa shambulio la Saudia nchini Yemen limetokana na kosa la utawala wa Aal Saudi katika kutathmini masuala ya Mashariki ya Kati, kwa sababu haiwezekani kuwaburuza wananchi wa mataifa ya eneo hili