WHO yadhibiti kipindupindu Kigoma, Tanzania

                                                                 Shirika la Afya Duniani, WHO nchini Tanzania limesema idadi ya maambukizi mapya ya ugonjwa wa Kipindupindu miongoni mwa wakimbizi wa Burundi waliokimbilia mkoani Kigoma nchini Tanzania imepungua baada ya visa zaidi ya 4,400 kuripotiwa na wagonjwa 30 kufariki dunia. WHO imesema visa vipya vya kipindupindu kwa siku vimepungua kutoka 915 tarehe 18 mwezi huu hadi 100 kwa sasa na hali hiyo imesababishwa na hatua zilizochukuliwa kudhibiti mlipuko ikiwemo kuimarisha huduma za maji safi.

WHO inasema harakati za kudhibiti Kipindupindu zinafanywa kwa ushirikiano baina ya serikali ya Tanzania na wadau kama vile Umoja wa Mataifa na madaktari wasio na mipaka, MSF. Dokta Rufaro Chatora, mwakilishi wa WHO nchini Tanzania amesema licha ya visa vya kipindupindu kushuka katika siku chache zilizopita, hali bado ni mbaya mno. Ameongeza kuwa mbali na kipindupindu WHO pia tunasimamia shughuli zingine za kiafya mathalani kwa siku kuna wazazi 72 wanajifungua. Wakati huo huo shirika la kuhudumia wakimbizi la Umoja wa Mataifa UNHCR limesema idadi ya wakimbizi wa Burundi wanaoingia Tanzania imepungua. Takribani watu laki moja wamekimbilia nchi jirani kutoka Burundi baada ya ghasia kuanza nchini humo mwezi Aprili kufuatia tangazo la Rais Pierre Nkurunziza kuwa atawania urais kwa muhula wa tatu. Maandamano bado yanaendelea Burundi kupinga uamuzi huo

Mwenyekiti wa Chama cha Waandishi wa Habari Wanawake Zanzibar Bi. Maryam Hamdani akifungua mafunzo ya siku mbili ya waandishi wa habari kuhusu Haki za binaadamu na sheria za waandishi wa Habari katika kituo cha Huduma za Sheria Zanzibar kiliopo Migombani.

Copy and WIN : http://ow.ly/KNICZ