Rais Kikwete aongoza siku ya kupiga vita madawa ya kulevya duniani mjini Bagamoyo.

Rais Jakaya Mrisho Kikwete amesema vita dhidi ya mapambano ya kudhibiti matumizi na biashara haramu ya madawa ya kulevya ni mbaya hivyo serikali inaendelea kuelekeza nguvu zake bila kuchoka wala kupata kigugumizi kuhakikisha hali isiendelee kuwa mbaya zaidi na kuitokomeza kabisa.

Rais Kikwete ameyasema hayo mjini Bagamoyo mkoani Pwani baada ya kupokea maandamano ya wadau wa kupinga matumizi na biashara hiyo waliobeba mabango yenye ujumbe mbalimbali wakati wa maadhimisho ya kitaifa ya kupinga biashara haramu ya madawa ya kulevya na matumizi yake yaliyobeba kauli mbiu tujenge jamii maisha na utu wetu bila madawa inawezekana.

 

Awali kamanda wa kupambana na kikosi cha kupambana na madawa ya kulevya nchini kamishna Godfrey Nzowa amesema licha ya

Sheria mpya ya kudhibiti madawa na biashara ya madawa itasaidia kufanya kazi hiyo kwa ufanisi lakini bado kuna changamoto kadhaa zinazowakabili ikiwemo ugumu wa kupambana na wasafirishaji wa madawa hayo maeneo ya baharini.

 

Katika maadhimisho hayo Rais Kikwete alizindua mtandao wa kusaidia vijana (TAYOA) kupiga simu bure ili kujua namna ya kujizuia na kujikinga dhidi ya madawa ya kulevya huku baadhi ya walioathirika na madawa hayo wakitoa ushuhuda mbele ya Rais Kikwete na kumshukuru kwa jitihada zake za kuwaokoa ambapo balozi wa kupinga madawa hayo Rehema Chalamila kupitia taasisi yake ya Ray C ametoa wito kwa jamii na vijana kuachana na matumizi ya madawa hayo.