Zarif, Kerry wakimbizana na muda katika mazungumzo

Mazungumzo ya nyuklia kati ya Iran na kundi la 5+1 yanaendelea huko Vienna, Austria kwa lengo la kutatua hitilafu zilizosalia kabla ya kutiwa saini makubaliano ya mwisho kuhusu miradi ya nyuklia ya Iran.
Habari zinasema kuwa Mawaziri wa Mambo ya Nje wa Iran na Marekani, Muhammad Jawad Zarid na John Kerry wamekutana na kufanya mazungumzo leo mjini Vienna huku Mkuu wa Shirika la Atomiki la Iran, Dakra Ali Akbar Salehi akikutana na kufanya mazungumzo na Waziri wa Nishati wa Marekani, Ernest Moniz.
Sambamba na hayo manaibu mawaziri wa mambo ya nje wa Iran na kundi la 5+1 pia pamoja na wataalamu wanaendelea kufanya mazungumzo ya dakika za mwisho yanayolenga kumaliza hitilafu zilizosalia kati ya pande hizo mbili hususa suala la jinsi ya kufutwa vikwazo dhidi ya Iran.
Ilitazamiwa pia kwamba mawaziri wa mambo ya nje wa Ufaransa, Ujerumani na Uingereza wangejiunga na mazungumzo hii leo Jumapili huko Vienna. Mawaziri wa Mambo ya Nje wa Russia na China wanatazamiwa kuwasili Vienna kesho, siku moja kabla ya siku ya mwisho iliyoainishwa kwa ajili ya kufikia mapatano kamili ya nyuklia kati ya Iran na kundi la 5+1.