Hali mbaya za wagonjwa wa saratani Yemen

Wizara ya Afya ya Yemen imetangaza kuhusu hali mbaya inayowakabili wagonjwa wa saratani nchini humo.Wizara ya Afya ya Yemen leo imetangaza kuwa kituo cha afya kinachowahudumia wagonjwa wa saratani huko Sana'a mji mkuu wa nchi hiyo kinakabiliwa na upungufu wa dawa kutokana na mashambulizi ya Saudia yanayoendelea kila uchao, huku wagonjwa wakiwa na hali mbaya. Wizara ya Afya ya Yemen imeongeza kuwa kituo hicho kinakabiliwa na  upungufu mkubwa wa dawa za wagonjwa wa saratani kutokana na kuzingirwa Yemen na kwamba hali hiyo imewaathiri pakubwa wagonjwa ambao wametokea katika mikoa ya karibu na Sana'a na kuja katika kituo hicho wakiwa na matarajio ya kupata matibabu.