Wanaharakati 25 wafunga miaka kumi jela nchini Misri

Mahakama ya Misri imetoa hukumu ya kifungo cha miaka 10 jela dhidi ya wanaharakati 25 wa nchi hiyo kwa madai ya kushiriki katika fujo zilizozuka baada ya jeshi kumpindua Rais Muhammad Morsi wa nchi hiyo.
Mbali na kifungo jela, Jaji Mootaz Khaffaji, mkuu wa mahakama ya makosa ya jinai ya al Jizah ametoa adhabu ya kulipa karibu Pound 275 (karibu dola 35 elfu za Kimarekani) dhidi ya watuhumiwa hao kama fidia ya hasara walizosababisha wakati wa machafuko hayo.
Tarehe pili Augosti 2013, kulizuka machafuko baina ya wafuasi wa Mohammad Morsi na jeshi la polisi la Misri yaliyosababisha hasara za mali na roho za watu.
Wakati huo huo Wizara ya Mambo ya Ndani ya Misri leo Jumapili imetangaza kuwa, vikosi vya nchi hiyo vimewatia mbaroni wanachama 52 wa Ikhwanul Muslimin ikiwa ni katika operesheni za vikosi hivyo vya kuchukua hatua za kiusalama. Taarifa ya wizara hiyo imeongeza kuwa, wanachama hao wa Ikhwanul Muslimin wanatuhumiwa kuhusika katika mashambulizi dhidi ya maeneo ya uma na binafsi na kuchochea watu kupinga serikali katika mikoa tofauti ya Misri.